ताप्लेजुङको फुङ्लिङ नगरपालिका वडा नं १० मा शनिबार साँझ भएको ट्याक्टर दुर्घटनामा १ जनाको मृत्यु भएको छ। अन्य १ जना गम्भीर घाइते छन्। मृत्यु हुनेमा फुङलिङ नगरपालिका वडा नं ८ बस्ने २८ वर्षीय रुपेश राइ रहेको जिल्ला प्रहरी कार्यालय ताप्लेजुङले जनाएको छ।

दाउरा लिएर सदरमुकाम फुङ्लिङतर्फ आउँदै गरेको मे १ त ७७८ नम्बरको ट्याक्टर फुनपा १० को भित्री सडकस्थित गुरुङ गुम्बा नजिक दुर्घटना हुँदा रुपेशको घटनास्थलमै मृत्यु भएको जिल्ला प्रहरी कार्यालयका प्रवक्ता तथा सूचना अधिकारी कैलाशकुमार अधिकारीले जानकारी दिए। घटनामा परी १ जना गम्भीर घाइते भएका छन्। गम्भीर घाइते हुनेमा बिशेष राई रहेको प्रहरीले जनाएको छ।

सामान्य घाइते अन्य २ जना प्राथमिक उपचारपछि घर फर्केको प्रहरीले जानकारी दिएको छ। घटनाका बारेमा थप अनुसन्धान भइरहेको समेत जिल्ला प्रहरी कार्यालय ताप्लेजुङका प्रवक्ता अधिकारीले जानकारी दिए।यो समाचार नागरिक न्युजबाट साभार गरिएको हो