चिनियाँ राष्ट्रपति सी चिनफिङले शनिबार फिलिपिन्सका आफ्ना समकक्षी फर्डिनान्ड रोमुआल्डेज मार्कोसलाई भूकम्पको प्रकोपप्रति समवेदना सन्देश पठाउनुभएको छ। सन्देशमा राष्ट्रपति सीले भूकम्पले मानवीय र भौतिक सम्पत्तिको क्षति भएको थाहा पाएर आफू स्तब्ध भएको बताउँनु भएको छ । चिनियाँ सरकार र जनताको तर्फबाट र आफ्नो व्यक्तिगत तर्फबाट समेत राष्ट्रपति सीले प्राकृतिक प्रकोपबाट मृत्यु हुनेहरूप्रति गहिरो समवेदना र घाइतेहरूको शीघ्र स्वास्थ्यलाभको कामना व्यक्त गर्नुभएको छ। राष्ट्रपति मार्कोस र फिलिपिन्स सरकारको नेतृत्वमा भूकम्प प्रभावित क्षेत्रका जनताले पक्कै पनि विपद्लाई जितेर पुनर्निर्माणमा फर्किने पनि राष्ट्रपति सीले विश्वास व्यक्त गर्नु भएको छ । ——रासस